«فيش».. قصيدة للشاعرة أسماء جاد

تِشيل نقطة تحُط حروف
تِجَمَّع جُملة من كَلِمات
حياتك كُلها أوراقْ
*
رَتِّب كل أوراقك فى كراستك
وما تلخبَطش
وبين السطر والتانى
سيب فاصل وما تزَنَّقش
عشان الخط يبقى جميل
*
صُحابك عِشرتك ناسَك
جيرانك عِزوِتك أهلك
أكيد مش كلهم جدعان
*
أكيد مَرِّت عليك أيَّام
سابولك بَصمة بِتعلِّم
عَملت لكل واحد فيش
مفيش فى الدنيا شئ كامل
وما بنِختَرش
*
حياتك حِلوة لو تِعدل
ما بين الفرح والأحزان
مابينهُم خط مش مفهوم
هتفرح..مش هتتأمِّل
هتزعل…مش هتتعلِّم
خُلاصة رحلتك بتقول
ما تتجَرَّأشِ ع الأقدار

About The Author

odbatya

See author's posts