«مين يدفع أكتر».. نص جديد لـ رامز صبحي

يا وجع الضهر اللي اتقسم
على وطن اتضرب واتقسم
واتطرح في مزاد وابتسم
اللي بايعينه وخانو القسم
مين يدفع اكتر؟
ده مكان غالي ومتعطر
بدم شهدا بيسطر
هنا خط أصفر
وهنا خط أحمر
وهنا ناس صايمة
مش هتفطر
مين يشتري؟
ده طفل جسمه بيتهري
وده يتيم قلبه بيتكوي
وده رئيس بوزه بيتلوي
على الفارغة وعلينا يتشطر
يا غزة قولي للي في رام الله
الوطن والشعب لهم الله
فمهما زادت الغله
ومهما زادت العله
النصر لينا وفينا
ورايته في يوم هتعلى