فات اللى فات وازاي يعيش ويكمله الدور سخيف وبطلنا رافضه بمجمله قلب الورق شكل حروفه من جديد اخد القرار بداء الكلام من اوله خطا الخطاوي وبثبات صالة العروض اتحيرت حتي اللي كاتبين الفصول حسو الرواية اتغيرت شافو الاماني مضفره من خوص ألم وحياة جديدة بتتولد مخلوقه من قلب العدم صرخ البطل هز المكان احنا بشر و مخيرين دون الخليقة كلها احنا بشر مش مجبرين تمشي ال رواية بذلها كتبوها اشباه الرعاع لجل مانكون العبيد لجل ماتكون الكرامة حلم متأجل بعيد ان الاوان نقتل الخوف اللى فينا نرفض المكتوب ونكتب اخر القصة بايدينا شوفو موسي رغم ضعفه كان معاند ويا مين بس كان طارد لخوفه والاله كان المعين هتقولو موسى كان نبي والسنين غير السنين هترد احجار الشوارع الاله هو الاله والانين نفس الانين واللي شق البحر ليهم يشقه تاني من جديد واللي فينا عمره يخلص اتكتب له يعيش شهيد احنا بس نقول يارب ويصحي جوانا الضمير ونكتب العنوان كرامة ويبقي دا الفصل الاخير ويبقي دا الفصل الاخير
