ليه ياطيني بتضغطيني بقلب وافر.. بالمآسي وأنا بقاسي كتير وأعافر.. ليه بتيجي عليا دايمًا كل مرة.. طب هتتبسطي أما أبيع أرضك وأسافر؟؟ وبدل ما أعيش متصان في خيرك.. عرقي يسقي أرض غيرك.. برضو في الاخر مسيرك.. تحتاجيني أرجع وأناضل.. لأجل مُلِّاكنا الصنادل.. ده إللي فاضل!! لأجل صعلوك البراري.. يتنفي.. إبن الأفاضل.. و ( الأكابر )! إنتي شايفة ده حكم عادل.. إني أحارب.. للي عايشين في المحافل.. أمر غير مُرْضِي وسافر. لأ وييجوا ويحكوا عني.. ويلوموني.. باللي باع أرضه وعرضه.. هيوصفوني.. حتى بعد ده كله بردو.. يِخَّوْنُونِي.. يطلعوني.. إني ناكر للجميل أو حتى كافر.
