تخطي إلى المحتوى
غزالة بعيون عسلية
شاردة ساعة عصرية
قولت لها يا حلوة تعالى
أسقيكى حب من الغالى
ردت قالت وانا مالى
وعملت لى إشكال و قضية
***
فضلت راشق عينى فى عينيها
وما شوفتش تانى شئ حواليها
مر الوقت بسرعة وفات
وقعدنا لوش الفجرية
أملا كاسات وتقول لى كمان
انا محتاجة كتير لحنان
بس الصدق يكون عنوان
مايكونشي مجرد تسلية
***
قولتلها أصدق منى ما فيش
وأجمل منك برضو ما فيش
انا مجذوب فى هواكى درويش
ياللى القدر بعتك ليا
Post Views: 6
