الحج في عيون الشعراء|| «منايا احج وازور» قصيدة لـ طه علي الدين

منايا احج و ازور

بيت الله المعمور

احرم ألبى أطوف

أشوف بعينى النور

وأصلى فى الحرمين

وابكى بدمع العين

وان كنت م الظالمين

انت يارب غفور

وأقف على عرفات

ادعى ساعات وساعات

ياغافر الزلات

أرجع وانا مجبور

وأسعى و أرمى الجمرات

وبزمزم اشفى الذات

وأطوف سبع أشواط

مابين بكا و سرور

وازور قبر الرسول

وأنشد فى رحابه و اقول

يا سعدك ياللى تنول

واللى ماجاش معزور

منايا احج و ازور

طه علي الدين – رئيس نادي أدب البرلس

About The Author