«غرام».. لشاعر البرلس جمال البطاط

وبحس الكلمة في بعدك آه

من غيرك عمري ما عشت حياة

أنا عمري إبتدا يوم م عرفتك

وغرامك شدني وياه !

وسافرت ف روحك وملامحك

والقلب اتعلق ب هواه

وشربت من الحب هناه

وجريت ويا الشوق ف عيونك ووصلت مداه

وغمرني الحب ف تفاصيلك والسحر غواه

وف وسط حنانك وغرامك توهني وتاه

أنا أول مره أحب بجد

وربيع العمر بحسه اتمد

حواليا الدنيا زهور وورود

والفرحة بتحضن قلبي بجد

والبحر بيضحك ل هنايا

وجمال العالم ملهوش حد

والشط بيعزف للنسمة

وشويه شويه بتتمد

والرملة بترسم خطاوينا

وقلوبنا ل بعض بتتشد

أنا أول مرة بحب بجد !